ايوة........لا للاجازة الطويلة اللي تبقي بالشكل ده.....من 8/1....مملة فوق الخيال.....و قال ايه كنت عاوز الحق اخلص المواد علشان اخش الترم التاني نضيف
ياسلاااااااام......فعلا انا انجزت ..........نص مادة كاملة..........الله عليا و علي نباهتي.......ربنا يستر في التيرم التاني........الموضوع مش سهل....امتحانات النظري بتاعتنا في الاخر بس.....مفيش تيرم...يع..الناس عمالة تلم في درجات و انت زي البطيخة في البيت.......متخيل انا منظري و انا في اخر السنة و العالم بتذاكر تيرم و انا بذاكر سنة!!.....اكيد حاجة مش لطيفة ابدا.
مملة جدا تلك الاجازة....من 8/1 لحد حوالي 24/1 مبعملش حاجة غير اني انزل مع امجد (احد اصدقائي ) نتمشي شويتين-طبعا مفيش حد في الشارع لان كله بيذاكر-نقعد علي قهوة ...نلعب بلاي استيشن 2...ندخل سيبر..ناكل حاجة...نروح......هففففففففف
من 24/1 لغاية 28/1 تقريبا... كنت في اسكندرية...رحت علي امل المذاكرة...الرجالة بتوع صيدلة بيذاكروا و احمد يحيي اللي معايا في الاوضة (صديق عزيز برضه) اعدادي صيدلة السنة دي ....بيذاكر...يبقي المفروض اني اذاكر...طيب...الوضع هناك لقيته غير كده...المدينة كبيرة....و زي ما في ناس بتذاكر في ناس مكبرة الG و مروقة ال D...ناهيك عن اني كنت تعبان الاربع ايام دول...فانا من مشجعي التهييس...فهيا الي اللعب و تبا للمذاكرة....و بعدين ربنا يهديني اخر الليل و الواحد يذاكرله كلمتين...خلصت نص المادة اللي قلتها قبل كده دي في يومين...اونلي يومين...بتاع اربع ساعات كده ولا حاجة..و اليومين التانيين تهييس تام...و رجعت تاني الكفر...لكن المرة دي في حاجة جديدة...ان معظم الناس خلصت...فقشطة يعني....الواحد رجع شاف ناس مكنش شافهم من مدة...و تمام كده...بس بعج اسبوع بدات الامور تتكرر و مبقالهاش لزمة....REALLY...اجازة مملة
